Blog

Huif deine Musikanten

Um wos geht’s?

Wia de meist’n von Eich wissn, ham fast alle Muskanten, Kapellen und sonstige Überlebenskünstler seit der Corona / Covid-19 Krise koane Auftritte mehr. De meist’n vo uns san Freiberufler und kenna weder Arbeitslosengeld no Kurzarbeitergeld beantragen. Fast alle Musikanten san aber sakrisch auf Live-Auftritte angewiesen, damit’s überhaupt durchkemma. Ned z’letzt weil mim Streaming wesentlich weniger Kohle einakummt, als wenn die Alben „in echt“ verkauft wern.

Weil de meist’n vo Eich während da Ausgangsbeschränkung eh dahoam umanandahocka, mecht ma Eich bitten: Unterstützts de kloana, regionalen Musikanten und Kapellen von dahoam aus. Streamts oder kaufts dene eara Muse. Vor allem weniger bekannte und unabhängige Kapellen, de ihre Alben selber macha, konn des vui helfa.

Tipps, um de Musikanten während der Corona-Krise zum helfa:

  • Kaufts de Alben (in Echt oder als Download).
  • Verschenkts de Alben zu Ostern.
  • Streamts dene Ihr Muse: Wennt’s Ihr scho des Album kafft habts und trotzdem an Streaming-Account habts, dann streamts bitte aa no des Album obndrauf.
  • Hebts Eure Eintrittskarten auf. Entweder de Gaudi wird verschoben oder Ihr habts a kloane Spende für die Kapelle g’macht.
  • Streamts de Online-Auftritte und spend’s a Geld (z.B. per PayPal).
  • Schauts auf der Homepage der Kapellen und Musikanten vorbei und kaufts Fan-Artikel.
  • Wenns Ihr selba Musikanten seids, dann kaufts Noten von den Kapellen, dene Ihr helfa wollt’s.
  • Folgts da Facebook-Grupp’n https://www.facebook.com/groups/supportyourartistsduringcovid19/

Weitere Informationen, wia ma Kapellen im Streaming-Zeitalter unterstützen ko, findt’s unter folgendem Link:
https://swimintothesound.com/blog/2019/2/12/a-guide-to-supporting-bands-in-the-streaming-age

Was kann i als Musikant selba do?

  • Nehmt’s oans der Logos samt de empfohlenen Hashtags und haut’s es in Eire Social-Media Kanäle nei.
  • Sag des, wos da ois steht, an Deine Spezl’n und Musikanten-Kollegen weider, damit’s aa bescheid wissen.
  • Hau des Logo per WhatsApp, Twitter, Instagram, Facebook, iMessage in d’Welt ausse.
  • Nimm des Logo als Profilbuidl her. Und erst recht, wennst a recht a greislicher Hund bist.
  • Mach bei da Facebook-Grupp’n https://www.facebook.com/groups/supportyourartistsduringcovid19/ mid und schick Deine Buidl und Filme.
  • Weitere Infos unter https://supportyourartistsduringcovid19.com

Merce!

Da kannst des Logo owaladn und macha wos’d mechst. Gscheide Hashtags für deine Social-Media Versitzgruam san:

#HuifDeineMusikanten #HilfDeinenMusikern #SupportYourArtists #SupportYourArtistsDuringCovid19 #Covid19 #Covid-19 #Corona